Unaccepted Truth

#UnacceptedTruth
Dear Chixie,
Maayong adlaw nimo ug sa tanang mga viewers sa programa sa SunStar Cebu ug Superbalita Cebu.
I am Gretchen ug kining akong estorya kabahin sa sitwasyon sa among pamilya.
Aduna koy 2 anak sa akong bana Chixie nga itago nato sa pangalan nga Chris.
Usa ko ka kanhi OFW ug ang akong bana nga si Chris driver ni siya og usa ka negosyante.
Midecide ko nga manginabuhi sa gawas aron matabangan siya sa galastuon sa among pamilya ug para usab makatigom aron makatukod og balay.
2 years ago akong nadiskubre nga adunay laing babae akong bana ug kauban kini niya sa trabaho, katabang kini sa iyang amo.
Naglagot kaayo ko sa gibuhat sa akong bana apan wala nako siya biya-e tungod ug alang sa akong mga anak.
Ako usab gisabot nga tingalig tungod usab kini nga layo mi sa usag-usa. Nangayo og chance si Chris ug miingon nga wala na sab daw ang maong babae nagtrabaho sa iyang amo.
Sakit kaayo ang gibuhat sa akong bana apan wala nako siya buwagi kay kahibalo kos akong kaugalingon nga di sab ko malipay kon maguba among pamilya.
After atong panghitaboa midisider ko nga mopuyo nalang sa Pilipinas ug nangapply usab sa amo sa akong bana aron mabantayan kini sa trabaho.
Maayo nalang nadawat ko ug ako usab nakita nga determinado nga mag usab si Chris.
Milabay ang pipila ka tuig adunay na dawat nga tawag si Chris ug gikan kini sa iyang babae kaniadto og miingon nga aduna silay anak ug iya na kining ipakuha kang Chris kay iyang nasayran nga aduna siyay cancer ug gi taningan na iyang kinabuhi.
Sa dihang akong nasayran ang maong sitwasyon walay kabotangan ang akong kalagot ug kasakit.
Nangayo pag balik si Chris ug pasaylo apan mi hangyo sa akoa nga unta sabton ang sitwasyon ug dawaton ang iyahang anak sa laing babae.
Karon mihangyo si Chris nga kung pwede ba nga mo adto siya sa probinsya sa babae ug kuhaon na ang bata.
Unsa may angay nakong buhaton?
Gretchen